NOVAS



Benvido a este espazo que o CEIP PADRE FEIJOO de Allariz pon á disposición da comunidade educativa co fin de mantela informada de todas aquelas novas que se produzan e sexan de interese, así como dos seus servizos e actividades. 


                








PRÓXIMAS  ACTIVIDADES PARA MARZO-ABRIL-MAIO

  • 24 de marzo: Obra de teatro "Migallas" na Casa da Cultura, ás 12h00, para 2º, 3º, 4º e 5º de Primaria.
  • 29 de marzo: Multixogos para 1º e 2º no Pavillón.
  • 30 de marzo: Actuación de Mamá Cabra, ás 12h00 na Casa da Cultura, para Educación Infantil e 1º de Primaria.
  • 31 de marzo: Actividade de almorzo saudable no comedor do colexio para 5º de Primaria. Este almorzo será ás 10h00.
  • 18 de abril: Encontro coa escritora Ledicia Costas na Biblioteca do colexio. Esta actividade é para os cursos 5º e 6º de Primaria.
  • 19 e 20 de abril: Obradoiro "Marcapáxinas" en colaboración co Concello polo Día do Libro. Actividade para 1º e 2º.
  • 24 de abril: Obradoiro de reciclaxe en colaboración con Adega. Para toda Primaria.
  • 28 de abril: Celebración do Día dos Maios, con saída do colexio levando os Maios para a súa exposición na Barreira ás 12h15. Posterior lectura das coplas.
  •  3 e 5 de maio: Obradoiros para a Festa do Boi. Esta actividade é para 1º e 2º.
  • 11 de maio: Charla para a preparación do  Roteiro de 4º de Primaria.
  • 12 de maio: Charla preparación do Programa de Radio para 5º de Primaria.
  • 16 de maio: Roteiro de 4º de Primaria.
  • 16 de maio: Participación no XII Encontros de Teatro en Bande. Para 5º de Primaria.
  • 19 de maio: Excursión de 1º e 2º de Primaria á Fervenza do Toxa (Silleda).
  • 24 de maio: Programa de Radio de 5º de Primaria.
  • 26 de maio: Participación no Certame Literario na Colexiata de Xunqueira de Ambía. 
  •  26 de maio: Taller de ilustración con Pepe Carreiro dos Bolechas. Esta actividade é para os alumnos de Educación Infantil e levarase a cabo na Casa da Cultura.
  • 30 de maio: Letras Galegas. O alumnado de 4º, 5º e 6º ten unha obra de teatro na Casa da Cultura. A obra de teatro está baseada na obra de Carlos Casares "A Galiña Azul".


 

TORNEO  DE  BÁDMINTON



O mércores, 5  de abril, deu comezo o Torneo de Bádminton no colexio. Este torneo terá lugar durante o horario dos recreos. Participan un total de 64 alumnos de 3º a 6º de Educación Primaria. Os partidos son arbitrados polos alumnos de 5º e 6º. Deste torneo sairán os representantes do centro nas próximas competicións escolares. 
 
 







 
 

I  COMPETICIÓN DE MULTIXOGOS COLABORATIVOS

 
 
 
 
O mércores, 29 de marzo, celebrouse no colexio a I Competición de Multixogos Cooperativos para os alumnos de 1º e 2º de Primaria. Esta actividade forma parte do Deporte Escolar que estivo representado polo seu coordinador Manuel Pérez. Os colexios participantes foron "Ben-Cho-Shey" do Pereiro de Aguiar, o CEIP de Baños de Molgas e o "Padre Crespo" de Xunqueira de Ambía, aos que se lles agradece a súa presenza no noso centro. Actuaron como xuíces da competición os alumnos de 6º de Primaria baixo a coordinación dos mestres de Educación Física. Os resultados están expostos no taboleiro de Educación Física.
 
 












 
 
 


CAMPIONATO DE BALONMÁN E BÁDMINTON


Durante a segunda quincena do mes de marzo, levouse a cabo no pavillón un campionato interno de balonmán entre as clases de 3º, 4º, 5º e 6º. En cada clase había dous equipos. Para esta actividade foron aproveitados os recreos. 



Próximamente celebrarase no mes de abril un campionato interno de bádminton. está destinado aos cursos de 3º, 4º, 5º e 6º. Os árbitros serán os alumnos dos cursos superiores.


THE SNAKE GAME  2017





O XOGO DA SERPE regresará este curso na versión De Luxe como segundo ano consecutivo no que se anima aos alumnos e alumnas a desprazarse ao colexio de forma sostible e polo tanto respectuosa co medio ambiente. Este actividade terá lugar do 20 ao 31 de marzo de 2017.

Trátase dunha campaña desenvolvida a nivel europeo e dirixida tanto ás familias como aos alumnos co fin de animalos a desprazarse ao colexio por medio sostibles tales como camiñar, empregar a bicicleta, o transporte público ou coche compartido.

Consiste nun xogo sinxelo que nos vai a permitir organizar outras actividades en paralelo para mellorar a educación de todos en materia de mobilidade, medio ambiente e saúde. No Xogo da Serpe poden participar todos os alumnos de Primaria e 5 anos de Educación Infantil. Os alumnos de 3 e 4 anos non participan pero pare eles haberá diferentes materiais, xogos, así como a participación nun circuíto de educación vial.




O ENTROIDO  2017





venres 24 de febreiro os alumnos de Infantil e Primaria celebraron xuntos o Entroido, no Pavillón, nun acto aberto ás familias. Nesta edición o tema central foron os Grandes Musicais da Historia do Cine: O Mago de Oz, Mary Poppins, Grease, A Bela e a Besta, Mamma Mia!, etc.












A Bela e a Besta







                                                                              Mamma Mia!!


 


  

                                                                               Grease




Pesadelo antes do Nadal






                                                      


                                                                     O Mago de Oz




  Mary Poppins







                                                           Cantando baixo a choiva




24 de febreiro, día de ROSALÍA




Dende o Equipo de Dinamización da Lingua Galega queremos lembrar o nacemento de Rosalía de Castro o 24 de febreiro de 1837. A gran Rosalía sabía que na creación literaria a idea é sempre superior á palabra. PALABRAS, PALABRAS, PALABRAS...!!





Mostramos agora como viron a Rosalía os nenos e nenos do noso colexio:






Clica no seguinte enlace para escoitar como os nosos alumnos recitan a Rosalía.


AUDIO DOS ALUMNOS SOBRE ROSALÍA





 

 
 






O  DÍA  DA  PAZ







O luns 30 de xaneiro, os alumnos e alumnas de Educación Infantil e Primaria celebraron xuntos o Día da Paz cun fermoso acto no Pavillón de Deportes. Moitas grazas a todas as familias que puideron esa mañá asistir e participar.





















O  NADAL  NO  NOSO  COLEXIO










A  VISITA  DO  APALPADOR




O día 20 de decembro chegou ao colexio o Apalpador despois dunha longa viaxe dende as montañas do Courel. Foi visitando todas as clases para agasallar aos nenos e nenas con caramelos, á vez que lles repartiu as cartas nas que pedirlle os seus desexos.                                                                




















A  VISITA  DO  PAXE  REAL



O día 21 de decembro o colexio recibiu ao Paxe Real que fixo unha longa viaxe dende Oriente ata Allariz para recoller as cartas dos nenos e nenas. Tamén deu lectura a unha mensaxe das Súas Maxestades e repartiu golosiñas. Unha vez recollidas todas as cartas, regresou pola tarde de novoa a Oriente para que as Maxestades as lean canto antes e así poder preparar os regalos.




O Paxe Real escoitou todos os desexos dos nenos e nenas



Recibindo golosiñas da man do Paxe Real



Non quedou ningunha carta sen recoller


Os nenos e nenas escoitan atentamente a mensaxe que lles envían os Reis Magos



Os nenos e nenas mostran as súas cartas ao Paxe Real








    I  CONCURSO  TI  SI  QUE  VALES






O colexio estivo realizando durante o mes de novembro o casting do I Concurso "Ti si que vales". Este festival está organizado polas áreas de Música e Educación Física. O profesorado realiza actividades ao longo do curso encamiñadas a mellorar a convivencia no centro e este concurso forma parte dunha desas iniciativas.





A dinámica é similar ao do coñecido programa da TV pero sempre motivando e animando aos alumnos e alumnas á participar e a superarse. Hai diferentes modalidades: maxia, chistes, canto, baile, acrobacias, patinaxe, instrumentos musicais, teatro, etc.
Este ano participarán un total de 120 alumnos e alumnas. O xurado está composto por Susana, Natalia e Amorín.



Facendo maxia potaxia



Agora tocan os bailes máis modernos















Helena e Lara fixeron gozar aos alumnos co seu guiñol








Todos os participantes recibiron o seu diploma








  OS  XOGOS  OLÍMPICOS  DE  ALLARIZ  2016




 Por quinto ano consecutivo foi concedida polo Comité Olímpico Internacional unha autorización especial para poder celebrar unha edición dos Xogos Olímpicos no noso colexio. Para tan importante ocasión foron admitidos todos os alumnos de Educación Primaria que cursan a área de Educación Física.  O premio outorgado a cada participante foi a satisfacción da propia superación persoal.



TÁBOA COS RESULTADOS OFICIAIS












  OS  MAGOSTOS  DE  2016





AGRADECEMENTO


A realización desta actividade, así como o desprazamento de case trescentos alumnos de Primaria á campa de Torneiros, é unha tarefa complexa que só foi posible grazas a colaboración de moitas persoas: aos veciños de Torneiros pola cesión da caseta da festa e a achega de leña que fixeron; á empresa de transportes por atender a petición de non cobrar o desprazamento;  aos panadeiros de Allariz polas empanadas, bolos preñados, rosquillas e bicas tan ricas que fixeron; ás nais e pais pola súa compresión ante os fallos que puidera haber; ás mestras e mestres de Infantil pola atención prestada aos seus  alumnos, ao medio día, no colexio; ás mestras e mestres de Primaria pola súa colaboración e asunción de responsabilidades nun medio no que non resulta doado coidar de tanto alumnado como é o monte.

No nome de todos os nenos e nenas, moitas grazas!!
                                                     
                                                                                
O Magosto de Infantil: todos os alumnos de Infantil celebraron o magosto o 15 de novembro, no seu colexio. Este día comeron empanadas, chourizos asados, bolos preñados e bicas. Tamen gozaron dunha fogueira e de xogos: circuito da castaña, carreira de culleres, relevos de castañas, karaoke e o encestador de Dona Castaña.










O Magosto de Primaria: os alumnos de Primaria tiveron esta actividade o 15 de novembro, na campa de Torneiros, tal e como se fixo nos cursos pasados. Desprazáronse en autobús dende o colexio. Tiveron castañas asadas, empanadas, chourizos e rosquillas. 




Unha das primeiras tarefas que fan os alumnos ao chegar ao monte e facer a súa propia cabana





















  O  SAMAÍN  2016






Con motivo do día da Biblioteca Escolar e do Samaín os alumnos e alumnas, así como as mestras e mestres, celebraron ambas conmemoracións os días 27 ( para 3º, 4º, 5º e 6º) e 28 de outubro (para 1º, 2º e Educación Infantil) na sala de usos múltiples. No programa cantaron diferentes cancións e os alumnos de 6ºA representaron a obra de teatro "No Samaín imos rir". 










































  COIDANDO   A   MIÑA  BOCA





Nos próximos días os alumnos de 3º e 6º de Primaria participarán na actividade "Coidando a miña boca" que se realizará no colexio  en colaboración co Sergas. Esta actividade busca fomentar hábitos bucodentais  saudables. Para os alumnos de 3º consta dun relatorio no que se lles inicia aos coidados bucais e dun xogo bucodental. Para os alumnos de 6º tamén consta dun relatorio sobre como manter a boca sa (estrutura da boca, patoloxías, riscos e hábitos saudables) e dun xogo.





 PARTICIPACIÓN  EN  GALICIENCIA




Trátase da feira máis importante que se celebra actualmente en Galicia adicada á ciencia. Serve de punto de encontro das ideas innovadoras da xuventude e ten lugar no Parque Tecnolóxico de Galicia. Unha das súas actividades é o concurso de deseño da imaxe da súa camiseta oficial que será utilizada por todos os participantes durante a súa celebración. Este ano o deseño premiado ("Rebumbio matemático") foi o realizado por Jorge Robledo Andraca, alumno deste colexio actualmente matriculado en 6º de primaria. Nas próximas datas,  os seus compañeiros visitarán esta feira e serán testemuñas deste recoñecemento.











  O SABOR  DA  AVENTURA  ESTÁ  NO  MAR





Os alumnos/as de 6ºA e 6ºB participaron, o día 11 de outubro, dentro do Plan Proxecta, na actividade "O sabor da aventura está no mar". Esta actividade busca un acercamento ao mundo do mar, así como fomentar  un mellor coñecemento dos  seus alimentos. Como parte deste programa visitaron o porto de Canido no que viron diferentes tipos de embarcacións e artes de pesca. Na súa lonxa tamén  observaron  como se etiquetan os produtos do mar e como se realiza a súa venda. Posteriormente visitaron o Museo do Mar e tiveron un xantar no que degustaron varias preparacións a base de produtos da terra e do mar.

O obxectivo é traballar a alimentación saudable de xeito integral  coa promoción de determinados produtos alimenticios como os produtos do mar. Trátase de favorecer o coñecemento da contorna a través das experiencias sensoriais, a familiaridade e o coñecemento dos alimentos que compoñen o noso patrimonio alimentario así como o fomento das eleccións alimentarias saudables a través da educación como consumidores responsables.
"O sabor da aventura está no mar" procura afianzar o coñecemento das propiedades alimenticias do peixe fresco e en conserva co fin de que o alumnado se familiarice con el e valore os seus beneficios. Ademais, estas modalidades favorecen o coñecemento da relevancia do sector pesqueiro e marisqueiro na economía galega. Esta modalidade ten o dobre obxectivo de facilitar o coñecemento e consumo de produtos do mar de Galicia entre as nenas e os nenos galegos, e mais de incidir e equilibrar as súas dietas alimenticias.





  O  XOGO  DA  SERPE  2017




       




Durante o segundo trimestre de 2017 o colexio continuará un curso máis, en colaboración coa DXT, o Xogo da Serpe. Esta vez na versión “De Luxe”.

A campaña do Xogo da Serpe  utilizarse para levar a cabo outras actividades enfocadas á mobilidade sustentable ou relacionarse con campañas relacionadas coa calidade do espazo público, os plans de mobilidade, etc. Pode se aproveitar o seu carácter lúdico para traballar temas incluídos no currículo, en matemáticas, educación física, coñecemento do medio ou lectura e escritura.

As actividades da versión De Luxe son as seguintes:


  • Educación sobre mobilidade e seguridade viaria nas aulas
  • Análise do espazo público e deseño de rutas seguras ao redor do colexio
  • Celebración do día sen coches
  • Visitas da policía de tráfico e outros actores da comunidade (por exemplo, ONG de peóns ou ciclistas)
  • Exhibición de debuxos dos nenos/as sobre o tema
  • Iniciativas de intervención e acougado do tráfico na contorna do colexio

O calendario co que se traballará este curso é o seguinte:

1. Do 6 ao 17 de marzo: medición das formas de desprazamento que os alumnos están empregando para desprazarse ao colexio.
2. Do 20 ao 31 de marzo: posta en marcha do xogo.

3. Do 3 ao 7 de abril: segunda medición das formas de desprazamento que realizan os alumnos, unha vez pasada a experiencia do xogo.

Como se ve, marzo será o mes de preparación e de posta en marcha ocupando parte do mes de abril. O xogo da serpe é unha campaña dirixida aos nenos e nenas e aos seus pais e nais para animarlles a ir camiñando e en bicicleta ao colexio. Consiste nun xogo fácil de poñer en práctica e útil. O xogo permite organizar outras actividades en paralelo para mellorar a educación de todos en materia de mobilidade, medio ambiente e saúde. O xogo da serpe comezou como un proxecto pequeno en Flandes (Bélxica) e aos poucos foi crecendo ata converterse nunha importante campaña europea, na que participan escolas en diferentes países. Os datos mostran que o xogo aumenta o número de viaxes á escola en modalidades sustentables. Para axudar a estender esta boa práctica en Europa, creouse a Rede do Xogo da Serpe formada polos Puntos Focales Nacionais de 18 países europeos. O propósito principal da rede é apoiar a campaña en cada país, ampliar o seu impacto e compartir os resultados e as experiencias entre os seus participantes. Trátase dunha campaña desenvolvida a nivel europeo e dirixida tanto ás familias como aos alumnos co fin de animalos a desprazarse ao colexio con medios sostibles tales como camiñar, empregar a bicicleta, o transporte público ou o coche compartido. Consiste nun xogo  sinxelo  que nos permitiu  organizar outras actividades en paralelo para mellorar a educación de todos en materia de mobilidade, medio ambiente e saúde. No Xogo da Serpe participaron todos os alumnos de Primaria e 5 anos de Educación Infantil. Os alumnos de 3 e 4 anos non participarán pero para eles haberá diferentes materiais e xogos.

Que se entende por desprazamento sostible ao colexio?
 
  • -          Cando os alumnos veñan camiñando ou en bicicleta.
  • -          Cando veñan no autobús do transporte escolar ou municipal.
  • -          Cando compartan un coche dunha nai ou pai con outros alumnos.
  • -          Cando vindo en coche realizan camiñando os últimos 100 metros.

O curso pasado a posta en marcha desta actividade deu como resultado unha gran implicación por parte das familias, o que se traduciu nunha alta participación  no  Xogo Da Serpe. Esta actividade buscou animar a todos a tomar conciencia para facer unha mobilidade máis segura e á vez sostible. A pretensión final foi que os alumnos, unha vez rematado o xogo, continuaran a manter os hábitos adquiridos durante estes días de concienciación. A mobilidade sostible supuxo tamén  realizar os desprazamentos ao colexio na compaña doutros rapaces e rapazas, razón pola que se quixo que esta actividade contribuira a compartir a nosa amizade cos demais. En consecuencia, foi un obxectivo moi importante que esta actividade axudase  a mellorar a convivencia entre todos e todas.






 

  O  PLAN  PROXECTA  2016-2017


Plan Proxecta é unha iniciativa da Consellería de Cultura, Educación e Ordenación Universitaria que, en colaboración con diferentes consellerías, trata de fomentar a innovación educativa nos centros a través de programas que desenvolvan de xeito paralelo as competencias básicas e a educación en valores. Os plans buscan un avance nas dinámicas de mellora da calidade educativa favorecendo a innovación nos propios centros a través de programas externos que leven á motivación e ao traballo activo e colaborativo do alumnado e do profesorado implicado.

Para o curso 2016-2017 levarase a cabo no colexio o programa  Mobilidade Sostible e Segura en colaboración coa DGT, así como o programa Aliméntante ben coa actividade "O sabor da aventura está no mar".


O obxectivo do programa Mobilidade Sostible e Segura  é promover modos de mobilidade sostibles e seguros para toda a sociedade adaptados ao contexto viario en que vive o alumnado. Partindo desta base quérese reintroducir a educación viaria na escola non como a aprendizaxe de normas e sinais para futuros condutores, senón cunha finalidade transformadora que cuestione os modos de mobilidade imperantes e que favoreza a participación do alumnado na elaboración de propostas de mellora que garantan a súa seguridade nos seus desprazamentos e, sobre todo, que promovan modos de mobilidade máis saudables para toda a comunidade.





INTEGRACIÓN DA CONSERVACIÓN DO MEDIO AMBIENTE NO ENSINO 2016-17





Foi solicitado ao CEFORE un traballo de aprendizaxe por proxectos o cal levarse a cabo durante dous cursos escolares (2015-2016 e 2016-2017). Trátase de obter concienciación sobre a importancia de preservar o Medio Ambiente a través da acción de todos os membros da Comunidade Educativa.
As medidas organizativas internas do centro previstas para o desenvolvemento do plan consisten na distribución do traballo por pequenos grupos ou comisións. Cada grupo encargarase de procurar información, seleccionar e preparar o material para posteriormente utilizalo na aula e nas dependencias escolares. Tamén se tratará de poñer en funcionamento un blogue no que se recollan as actuacións que se vaian realizando.

O seguimento e avaliación do plan farase mediande a avaliación continua, motivo polo que se realizarán rexistros das actividades desenvolvidas nos que se comprobarán que se axustaron ao previsto, modificándose os aspectos da metodoloxía que sexan necesarios. Haberá formación e docencia para o profesorado implicado no proxecto e será adquirido todo o material necesario para as aulas e outras dependencias do colexio (contenedores, composteiro, etc).
As actividades asociadas que leva son as seguintes

·         Un Curso: Formación Documental


·         Un Seminario: Conservación do Medio Ambiente dende a escola.